Вынікі тэматычнага тыдня "Адзенне і абутак" ў групе інтэграванага навучання і выхавання

Дата: 13 ноября 2020 в 16:40

Автор: Санцевич Т. С.

89 просмотров

З 2 па 13 лістапада ў групе інтэграванага навучання і выхавання прайшоў тэматычны тыдзень “Рукатворны свет: адзенне і абутак”. На працягу тыдня выхаванцы групы ўзбагацілі свае веды аб прадметах рукатворнага свету: адзенні і абутку, якасцях і ўласцівасцях матэрыялаў, з якіх яны зроблены.

Падчас гульнявой сітуацыі для развіцця прадуктыўнага маўлення “Падбіраем адзенне“ рабяты вучыліся апісваць прадметы адзення і абутку, выкарыстоўваючы ў маўленні абагульняючыя словы “адзенне” і “абутак”, утвараючы склонавыя формы назоўнікаў пры замацаванні сінтаксічнай канструкцыі “Я надзену … (белую сукенку, жоўтыя штаны і г. д. ). Выхавальнік разам з дзецьмі разважалі на тэму ”Адкуль бярэцца адзенне?”; разглядвалі карцінкі, на якіх адлюстравана адзенне, працягвалі фарміраваць навыкі самаабслугоўвання ў час апранання і распранання; развівалі памяць і ўменне ўспрымаць вершаваную мову ў час знаёмства з вершам П. Дарошкі “Купім Надзі чаравічкі”. Вельмі спадабалася дзецям упрыгожваць сукенкі ў час працы з паперай, яны на свой густ прыдумвалі ўзоры (выяўленчае мастацтва - аплікацыя). Развівалі хуткасць, спрыт і ўвагу падчас беларускай народнай гульні “Міхасік”, дзе дзеці пад музыку рухаліся па крузе вакол свайго абутку, а затым пасля слоў:” Ты, Міхаська, не зявай, хутка лапці абувай!”, стараліся хуценька схапіць “лапці”, хто не паспяваў, выходзіў з гульні.

Все новости

Комментарии:

Оставлять комментарии могут только авторизованные посетители.

Телефоны: 8-01563-34-5-92, 8-01563-34-5-85

Email: dtshhv@grodno-region.by

Электронный дневник в Беларуси