Вынікі тэматычнага тыдня ”Свойскія жывёлы і іх дзіцяняты” у групе інтэграванага навучання і выхавання

Дата: 22 января 2021 в 17:21

Автор: Санцевич Т. С.

83 просмотра

З 18 па 22 студзеня ў групе інтэграванага навучання і выхавання прайшоў тэматычны тыдзень пад назвай ” Свойскія жывёлы і іх дзіцяняты ”.

На працягу тыдня дзеці ўзбагацілі і папоўнілі свае веды аб свойскіх жывёлах і іх дзіцянятах. У працэсе гульнёвай сітуацыі для развіцця прадуктыўнага маўлення “У бабуліным двары ходзяць…” дзеці вучыліся расказваць пра асаблівасці жыцця свойскіх жывёл, пра іх паводзіны, карысць, якую яны прыносяць чалавеку. Таксама выхаванцам былі прапанованы малюнкі з выявамі жывёл і іх дзіцянят для складання расказа. У працэсе складання сказаў дзеці старэйшага ўзросту вучыліся ўтвараць форму роднага склону ("цяля без рагоў"), вінавальнага склону ("махае хвастом", меснага склону назоўнікаў ("пра жывёл"). Разважалі аб свойскіх жывёлах, выкарыстоўваючы параўнальныя канструкцыі ("карова – свойская жывёла, а воўк дзікая") і сказы з аднароднымі дапаўненнямі; вучыліся злучаць сказы і часткі выказванняў паміж сабой, уключаючы ў тэкст элементы апісання жывёл. Працягвалі практыкавацца ва ўтварэнні памяншальна – ласкальнай формы назоўнікаў і ўтвараць аднакарэнныя словы; замацоўвалі ўяўленні аб звычках свойскіх жывёл і правілах бяспечных паводзін у абыходжанні з імі; развівалі навыкі гуманных адносін да жывёл у час гутаркаў “Як мы клапоцімся аб свойскіх жывёлах?”, “ Я знайшоў кацяня”, “Якую карысць прыносяць жывёлы?”.

У дыдактычных гульнях “Чацвёрты лішні”, ”Што не так?” і інш. развівалі зрокавае ўспрыманне, увагу, памяць. У гульне “Дзе чый дом?” вучыліся класіфікаваць жывёл па месцы пражывання. Падчас мастацка – моўнай дзейнасці садзейнічалі ўспрыманню сродкаў мастацкай выразнасці, замацоўвалі правільнае вымаўленне назваў жывёл на беларускай мове. Выхоўвалі ў дзяцей цікавасць да навакольнага асяроддзя падчас чытання твораў беларускай мастацкай літаратуры (апавяданне А. Марціновіча “Сабака і кацяняты”, “Маленькія кацяняты”).

Все новости

Комментарии:

Оставлять комментарии могут только авторизованные посетители.

Телефоны: 8-01563-34-5-92, 8-01563-34-5-85

Email: dtshhv@grodno-region.by

Электронный дневник в Беларуси