Вынікі тэматычнага тыдня "Вуліца. Дарога. Святлафор" у групе інтэграванага навучання і выхавання

Дата: 23 апреля 2021 в 14:24

Автор: Санцевич Т. С.

154 просмотра

З 19 па 23 красавіка ў группе інтэграванага выхавання і навучання прайшоў тэматычны тыдзень пад назвай "Вуліца. Дарога. Святлафор".

На працягу тыдня дзеці знаёміліся з правіламі дарожнага руху. З мэтай замацавання ведаў аб розных відах транспарту вучыліся класіфікаваць яго па значнасці для чалавека ў дыдактычнай гульне “Транспартная краіна". Вучыліся складаць апісальныя расказы, выкарыстоўваючы прыметнікі пры апісанні знешняга выгляду транспарту. У час “падарожжа" на аўтобусе вучыліся адпрацоўваць уменне правільна вымаўляць сінтаксічную канструкцыю “Я еду ў аўтобусе і бачу…". Развівалі творчыя здольнасці і звязнае маўленне ў час выканання творчага задання “Знайдзі і выпраў памылку", дзе дзецям было дадзенана заданне на карцінках з ланцужка слоў напрыклад: самалёт, ракета, лодка і г. д. Выхаванцам было прапанавана гульнявое практыкаванне “Назаві па-беларуску", дзе дзеці, стоячы ў крузе, лавілі мяч і называлі па-беларуску словы (назвы частак дарогі: тратуар, перакрыжаванне, праезджая частка, пешаход, рэгуліроўшчык і інш.), якія выхавальнік называла на рускай мове. У час зносін разважалі на тэму ”Як трэба сябе паводзіць ідучы ў дзіцячы сад?". На прыкладзе прапанаваных сюжэтных карцінак, дзеці разважалі, хто паводзіць сябе правільна, а хто не і чаму? Яны вучыліся арганізоўваць гульнявыя дзеянні і выконваць іх у адпаведнасці з правіламі падчас дыдактычных гульняў “Чацвёрты лішні", “Чыя машына?", “Я – цэлае, ты – мая частка". Праводзілася работа па ўвядзенню ў актыўны слоўнік дзяцей слоў: “грамадскі транспарт", “сельскагаспадарчы транспарт", “службовы транспарт", "водны транспарт", "паветраны транспарт" і інш. На працягу тыдня дзеці вучыліся выкарыстоўваць розную інтанацыю пры выразным чытанні прыказак і прымавак аб прыродных з’явах. Яны вучыліся рабіць высновы і разважаць у час назіранняў за рухаючымся транспартам на тэрыторыі дзіцячага сада, ідучы дамоў з бацькамі. Падчас занятку па аплікацыі вучыліся размяшчаць сігнальныя колеры святлафора ў пэўнай паслядоўнасці. Вучыліся расказваць пра транспарт і рух на дарогах, абапіраючыся на асабісты вопыт і змест твораў У. Мацвеенка і Х. Жычка “Святлафор", Д. Бічэль-Загнетавай “Трактар", Н. Галіноўскай “Будзь уважлівы, пешаход!".

Все новости

Комментарии:

Оставлять комментарии могут только авторизованные посетители.

Телефоны: 8-01563-34-5-92, 8-01563-34-5-85

Email: dtshhv@grodno-region.by

Электронный дневник в Беларуси